Një aksident i rëndë automobilistik ka ndodhur në qytetin Parana të Brazilit, ku si pasojë e përplasjes së disa automjeteve, kanë humbur jetën deri më tani shtatë persona dhe janë plagosur 11 të tjerë.
Mësohet se në aksident janë përfshirë të paktën 20 automjete dhe njëra prej tyre është djegur plotësisht.
Sipas mediave të huaja, shkak është bërë një mjegull që ka “pushtuar” zonën, duke bërë që shumë shoferë kamionësh të mos kenë pasur pamjen e qartë e për pasojë janë përplasur vrullshëm me mjetet e tjera në trafik.
Në vendin e ngjarjes shkuan menjëherë forcat zjarrfikëse dhe ambulancat, të cilat kanë transportuar të plagosurit në spitalin rajonal, ndërsa trupat e pajetë janë dërguar në morg, për kryerjen e hetimeve të mëtejshme.
Sipas autoriteteve shkak është bërë mjegulla si pasojë e reshjeve të shiut që kanë përfshirë Brazilin, ditët e fundit.
/abcnews.al
