Max Allegri zhvilloi konferencën e parë për shtypin pas rikthimit te Juventusi. Trajneri livornez preku disa tema dhe u shfaq i karikuar për sezonin e ri. Fjalën e mori edhe Andrea Agnelli, presidenti i klubit nga Torino, i cili ndër të tjera tha:
“Allegri do të jetë trajneri ynë për katër vitet e ardhshme. Qëllimi ynë është të shkruajmë një kapitull krejtësisht të ri. Sigurisht që rikthimi i tij është një rrezik i mundshëm, por ne garojmë çdo ditë për fitore.
Nuk janë të gjithë në gjendje dhe të aftë për të fituar. Ata që kanë sukses meritojnë respekt. Allegri ka besueshmërinë për të shkruar një kapitull të ri fitues“, u shpreh kreu i klubit të Juventusit. /abcnews.al
