Presidenti i Afrikës së Jugut Cyril Ramaphosa ka lehtësuar disa kufizime të vendosura për shkak të koronavirusit. Një nga kufizimet e hequra është edhe ndalimi i shitjeve të alkoolit.
Plazhet do të rihapen dhe tubimet e kufizuara fetare do të lejohen, përcjell abcnews.al.
Njoftimi erdhi ndërsa Ramaphosa përshëndeti mbërritjen e dërgesës së parë të vaksinave, një milion doza AstraZeneca.
Afrika e Jugut ka pasur më së shumti infeksione dhe vdekje nga Covid në kontinent.
Më shumë se 1.4 milion njerëz kanë marrë virusin që nga fillimi i pandemisë dhe 44,164 kanë humbur jetën, sipas hulumtimit të Universitetit Johns Hopkins .
Shumë vende kanë ndaluar udhëtimet nga Afrika e Jugut në përpjekje për të ndaluar përhapjen e variantit shumë infektiv 501Y.V2, i cili besohet se ka origjinën atje dhe që dyshohet të jetë më rezistent ndaj vaksinave. g.v/abcnews.al
