Sipas Sky Sport Italia, Interi është gati të ofrojë 30 milionë euro për Joaquin Correa dhe dëshiron të mbyllë marrëveshjen në dy ose tre ditë, përndryshe, ata do të kërkojnë diku tjetër.
Kampionët e Serie A tashmë kanë nënshkruar me Edin Dzeko për të zëvendësuar Romelu Lukakun, por Simone Inzaghi së shpejti mund të mirëpresë një sulmues të ri në “Giuseppe Meazza”.
Correa i Lazios është objektivi kryesor për Nerazzurri, të cilët janë në bisedime me Lazio. Sidoqoftë, të dy klubet ende nuk kanë arritur marrëveshje dhe negociatat vazhdojnë ende.
Interi e ka çuar ofertën deri në 35 milionë euro, por Lazio nuk ka në plan të heqë dorë nga pretendimi prej 40 milionë eurosh. Correa nuk ishte as në stol në ndeshjen hapëse të Lazios në Serie A kundër Empoli të Shtunën.
Maurizio Sarri ka konfirmuar se argjentinasi dëshiron të largohet nga klubi. Sipas Sportmediaset, Correa ka refuzuar një ofertë nga Everton sepse ai dëshiron vetëm kalimin te Interi.
Sidoqoftë, me vetëm një javë të mbetur para përfundimit merkatos, Interi nuk është i gatshëm të presë për shumë kohë pasi dëshiron të mbyllë marrëveshjen në dy ose tre ditë, përndryshe, ata do të braktisin negociatat me Lazion për të vazhduar objektiv i ndryshëm.
Lorenzo Insigne dhe Gianluca Scamacca janë shfaqur si alternativa të mundshme për zikaltërit. Kapiteni i Napolit mund të largohet nga stadiumi “Maradona” pasi ai nuk duket i gatshëm të zgjasë kontratën e tij që skadon pas një viti. /abcnews.al
