Bota magjepsëse e festave ndriçohet edhe më shumë me aksesorët e duhur. Gjithçka që mund të imagjinoni nga bizhuteritë deri tek dorezat më të veçanta dhe çantat më mbresëlënëse është në menunë festive të vitit 2021.
Dizajnerët janë kujdesur që të mbushin pasarelat, me të gjitha llojet e aksesorëve për pamjet më glam. Koleksionet pranverore të Saint Laurent dhe Gucci ishin të mbushura me doreza në të gjitha ngjyrat dhe teksturat, saten dhe lëkurë . Të rehatshme dhe fleksibël, ato janë një aksesor që mund të përmirësojë menjëherë edhe kombimin më të thjeshtë të mbrëmjes. Bashkojini ato me fustanin tuaj të preferuar të vogël të zi, një palë taka dhe një peliçe ekologjike dhe jeni gati.
Kur bëhet fjalë për bizhuteri, gurët luksozë nën rreshta të hollë diamanti na kujtojnë frazën karakteristike të Marilyn Monroe “Diamantet janë miku më i mirë i çdo gruaje”. Tek vathët po kërkojmë opsionet më ekstra në treg, të cilat do të stimulojnë drejtpërdrejt sytë, sidomos nëse kombinohen me një up-do elegante. Nëse dëshironi të rrezatoni nga kilometra, zgjidhni një dizajn me diamantët “fake”, të cilët bien si një shi yjesh, krahësh apo perla XL.
Cili është aksesori që mund të transformojë çdo pamje? Por, sigurisht, çantat . Këtë vit, festimet bien në sy me versionin e tyre të vogël, i cili përshtatet me gjërat thelbësore dhe është i mbushur me diamant . Pavarësisht nëse zgjidhni ta kombinoni me një ansambël po aq magjepsës apo preferoni një zgjedhje veshjeje më minimale në tonalitetet e të zezës apo ngjyrë bordo, sigurisht që do t’i japë pikë shtesë shkëlqimi çdo nate tuajën./abcnews.al
