Nevoja për mbrojtje nga dielli çdo ditë, edhe në ditët me re, është e domosdoshme. Por ndodh që është po aq e rëndësishme për ju që të mbuloni defektet në fytyrë apo të arrini një ton uniform. Zakonisht produktet, si fondatina, kanë një bazë SPF.
Por a është e mjaftueshme aplikimi i një kremi pudër me SPF për t’u mbrojtur nga dielli? Indeksi mbrojtës në një krem hidratues apo fondatinë mund t’i japë një efekt të përmirësuar përbërjes kozmetike, por fatkeqësisht nuk mjafton.
Sipas dermatologëve, është e rëndësishme të përdorni një krem kundër diellit, i cili është rezistent ndaj djersës dhe që ofron mbrojtje afatgjatë. Nëse doni të krijoni një ton uniform në lëkurë, mund të zgjidhni një krem kundër diellit me ngjyrë ose mund ta kombinoni me bazën.
Duhet theksuar se indeksi SPF në produktet e grimit nuk i shtohet indeksit të kremrave kundër diellit. Për shembull, nëse aplikoni një krem kundër diellit me SPF 15 dhe një fondatinë me SPF 15, nuk do të thotë se po mbroni lëkurën me SPF 30. Nivelet e mbrojtjes mbeten në 15.
Rendi i saktë i aplikimit
Kur themi “kombinojini”, sigurisht që nuk kemi për qëllim t’i përziejmë, pasi kjo do të hollojë përbërjen, duke dobësuar vetitë e kremit tuaj kundër diellit. Ky produkt duhet të aplikohet pas kremit hidratues dhe para fondatinës. /abcnews.al
