Loading ...
Ndërsa Einxhel Shkira dhe Dj Dagz po shijojnë në maksimum lidhjen e tyre, të gjithë janë kurioz se si qëndron raporti mes babait të moderatores dhe Dj të njohur. Piktori Muzafer Shkira deklaroi pas përfundimit të reality show-t se lidhjen e tyre e shihte si një lojë.
“Jo unë e kam parë si një gjë që është brenda për brenda një hapësire loje. Nuk kam asnjë arsye për ta takuar. Do ta takoj ashtu siç takova Monikën apo Donaldin”, tha piktori asokohe. Por si qëndron raporti mes tyre tani që dyshja kanë treguar se janë mirë me njëri-tjetrin.
Nga ajo që kanë treguar përmes rrjeteve sociale, gjërat duken mirë. Piktori ka komentuar një fotografi të së bijës ku shihet krah Dagzit. “Yje”, ka shkruar ai duke treguar kështu se e mbështet lidhjen e së bijës me artistin nga Kosova. /abcnews.al
