Nëse jeni një ekstrovert, takimi me njerëz që do t’ju interesojnë romantikisht duket shumë i lehtë. Për introvertët, gjërat janë pak më ndryshe. Dhe kjo sepse do t’ju duhet të dilni nga zona juaj e rehatisë, pra nga dhoma e ndenjes së shtëpisë tuaj, të visheni bukur, të takoni njerëz dhe të flisni për erërat dhe ujërat, me pak fjalë, shkoni në një takim.
Meqenëse nuk jeni e vetmja, më poshtë kemi 4 këshillat që ju nevojiten për ta bërë jetën tuaj dashurie pak më interesante.
Shkoni në takime në vendet që ju pëlqejnë
Nëse shkoni në një vend ku ndiheni rehat, do të relaksoheni më lehtë. Dhe ju do të bëni shakatë tuaja, dhe do të tregoni anën tuaj më simpatike dhe gjithçka do të jetë mirë. Do të keni zgjidhur problemin më të madh të introvertëve kudo: Do ta dini tashmë ku është tualeti, nuk do të keni nevojë të pyesni askënd.
Vishni rroba që ju bëjnë të ndiheni mirë
Takimi i parë nuk është mundësia më e mirë për të veshur pantallonat më të ngushta apo atë bluzën që kishit në pjesën e pasme të dollapit. Vishuni rehat, me çdo gjë që ju bën të ndiheni të sigurt dhe ajo do të shkëlqejë.
Bëni pak përgatitje
Nuk po themi të filloni të flisni para pasqyrës, por të keni parasysh 3-4 tema bisede në rast se ju mbarojnë. Gjithashtu, nëse nuk po kaloni mirë dhe biseda nuk po rrjedh, ju keni të drejtë të shkoni herët në shtëpi, mos u mundoni shumë.
Bëni pyetje që kanë një përgjigje
Çfarë nënkuptojmë këtu? Në përpjekjen për ta njohur më mirë personin tjetër, përpiquni të mos pyesni gjërat që mund t’i përgjigjen me një “po” ose “jo” të thjeshtë, është mirë të kesh vazhdimësi. Tani, nëse jeni i vetmi që bëni përpjekje dhe ka një mur para jush, ndoshta nuk ia vlen./abcnews.al
