Zëdhënësi i Presidentit të Republikës, Tedi Blushi i pyetur nga mediat, se cili do të jetë qëndrimi i Presidentit të Republikës ndaj së ashtuquajturës “paketë anti-shpifje”, sqaron se Presidenti Meta do të shprehet në kohën e duhur. Tedi Blushi ka njoftuar se do të ketë një reagim nga Presidenti Meta kur ai të jetë njohur me ndryshimet ligjore dhe relacionin shoqërues.
Reagimi:
Presidenti i Republikës, Ilir Meta do të shprehet në kohën e duhur, pa u ndikuar nga askush përveç Kushtetutës dhe ligjit.
Pasi të njihet zyrtarisht me ndryshimet ligjore dhe relacionin shoqërues, Presidenti Meta do të ndërtojë një proces shterues ligjor, dhe do i njohë qytetarët me qëndrimin e tij përfundimtar./abcnews.al
