Rama: Pagat e mësuesve do i rrisim 40%

Kryeministri Edi Rama dhe ministrja Evis Kushi prezantuan ditën e sotme buxhetin e vitit 2022 për Ministrin e Arsimit. Kreu i qeverisë tha se mandatin e tretë në qeveri ka objektiv rritjen me 40% të pagave të mësuesve.

“Vijon rritja e pagave për të gjithë mësuesit dhe projeksioni i mandatit të tretë është që pagat të rriten pa diskutim edhe 32%, por mundësisht të realizojmë objektivin e rritjes 40% të tyre.

Kjo lidhet jo vetëm ne ç’ka dimë dhe planifikojmë, por edhe ç’ka ne nuk e dimë dhe mund të na shfaqet përpara. Çdo vit do të jetë i njëjtë me rritje të vazhdueshme të pagës për ju” tha Rama.

Të gjithë mësuesit në të gjitha shkollat e vendit tonë do të përfitojnë një rritje page prej 6% në vitin 2022./ Abcnews.al