Ministrja suedeze e financave Magdalena Anderson është zgjedhur lidere e partisë socialdemokrate, duke i hapur rrugën për t’u bërë kryeministrja e parë femër në vend. Zgjedhja e saj vjen pesë muaj pasi kryeministri Stefan Lofven dha dorëheqjen.
54-vjeçarja do të bëhet kryeministrja e parë femër në historinë suedeze, nëse fiton një votë në parlament, data e të cilit nuk është caktuar ende. Ish ekonomiste dhe ish notare profesioniste, ajo ka qenë ministre financash për 7 vite. Kolegë dhe miq i kanë vënë epitetin “Bulldozer” për shkak të këmbënguljes së saj dhe aftësisë për të imponuar linjën e saj të veprimit.
Nuk janë të pakta rastet që ajo krahasohet me Angela Merkel. Sfida e saj e parë do të jetë të marrë mbështetjen e ambientalistëve, partisë së majtë dhe të qendrës që janë të domosdoshëm për krijimin e qeverisë. Më pas ajo do të duhet të punojë për të forcuar socialdemokratët të cilët nuk favorizohen për zgjedhjet e 2022 sipas sondazheve.
Një betejë që parashikohet e fortë me ekstremin e djathtë që është përforcuar dhe falë flukseve të emigrantëve, që nuk kanë krijuar një atmosferë optimiste mes votuesve.
/abcnews.al
