Një “vorbull” në det pranë Skocisë ka shkaktuar debat në rrjet. 46 vjeçari, Paul Young, kapi fenomenin nëpërmjet dronit të tij në në Lendalfoot, South Ayrshire. Përdoruesit e rrjeteve sociale besojnë se në fakt fenomeni është shkaktuar nga tubacionet apo nga rrjedhjet e metanit.
Por, agjencia Skoceze për Mbrojtjen e Mjedisit ka konfirmuar se fenomeni është shkaktuar nga reshjet e dendura të fundit të përziera me ujërat e zeza që po derdhen në det. “Ky është një veprim rutinë i derdhjes së ujit të kulluar të mbetjeve përpara se ai të kalojë në mjedis, por është përzierë me ujin e shiut”, tha një zëdhënës.
/abcnews.al
