Loading ...
Ministri i Drejtësisë Zbigniew Ziombr, ka deklaruar se Polonia nuk do të paguajë gjobën e vendosur nga Gjykata Europiane e Drejtësisë për reformën e diskutueshme të gjyqësorit. Polonia u gjobit të mërkurën për reformat e saj të diskutueshme në drejtësi me 1 milion euro çdo ditë, sipas vendimit të Gjykatës së Drejtësisë të Bashkimit Europian (GJED).
Masat ndëshkuese do të jenë në fuqi derisa Varshava të pranojë të respektojë një vendim të GJED-së të lëshuar në korrik që urdhëroi pezullimin e menjëhershëm të dhomës disiplinore të gjyqtarëve të Gjykatës së Lartë dhe anulimin e vendimeve që ajo kishte marrë tashmë për heqjen e vendimeve gjyqësore. Dhoma mund të dënojë magjistratët sipas përmbajtjes së vendimeve të tyre.
Sanksionet do të zbriten nga fondet e BE-së që Polonia merr periodikisht. Vendi është deri tani përfituesi më i madh i fondeve të BE-së, pasi ka marrë më shumë se 18 miliardë euro në vitin 2020.
/abcnews.al
