Pozitiv ndaj testit të alkoolit, italiani përfundon në burg 12 vite më vonë

Një 54 vjeçar nga Monza rezultoi pozitiv ndaj testit të alkoolit 12 vite më parë, dhe tashmë do të kryejë 6 muaj burg si dhe do të paguajë tre mijë euro gjobë. 54 vjeçari ka mbetur i çoroditur, kur agjentët e policisë e shoqëruan në rajon për formalitetet dhe më pas e shoqëruan në burg në Monza.

Askush nuk kishte dorëzuar kërkesën për pezullimin e dënimit, avokati i tij kishte harruar ta bënte këtë. Agjentët e policisë i dorëzuan masën 54 vjeçarit, mbrëmjen e së dielës teksa ndodhej në një bar me miqtë e tij.

12 vite më parë ai u ndalua teksa po drejtonte automjetin e tij dhe rezultoi pozitiv ndaj testit të alkoolit./abcnews.al