Erdhi nga Londra me 10 mijë paund në çantë

Policia kufitare në Rinas ka zbuluar dhe goditur një tjetër rast të mos deklarimit të të hollave në kufi.

Shuma e sekuestruar është 10.200 paund. Shuma i është sekuestruar një 36-vjeçareje me inicialet N. M, banuese në Londër, që po kthehej në Shqipëri.

Gjatë kontrollit të ushtruar në çantën e dorës u gjet shuma, e cila u sekuestrua.

Materialet i kaluan Prokurorisë pranë Gjykatës së Shkallës së Parë Tiranë, për veprën penale “Mosdeklarimi në kufi i të hollave ose sendeve me vlerë”./ Abcnews.al