Ende pa zbardhur dita, ajo e di që e presin 1001 punë. Por as këto dhe as 71 vitet mbi supe, nuk ia heqin buzëqeshjen fisnike në portretin e saj.
Diku në një kodër të fshatit Kallmet në Lezhë, në një stan modest jeton nënë Maria. E rrethuar nga bashkëshorti, fëmijët, nuset e nipërit, nënë Maria pleqëron e lumtur. Edhe pse ata e ndihmojnë në të gjitha punët e stanit, nënë Maria refuzon të heqë dorë nga rutina e saj e një jete të tërë.
Arbenit, djalit të madh të nënë Maries, i është besuar detyra më e vështirë. Ai mjel çdo ditë rreth 100 kokë dhi nga 150 që kanë gjithsej.
“Nuk e kanë për turp burrat këtej të bëjnë punë të tilla. Kush do të jetojë nuk ka pse të ketë turp.”, shprehet nënë Maria.
Nipi me i vogël i shtëpisë është Antoni, të cilin jeta e qytetit nuk e entuziasmon aspak. Ai lumturohet teksa luan me qenuashat e tij, e madje e ka zgjedhur edhe dhinë e tij të preferuar.
Nënë Maria jeton për të punuar. Nga mëngjesi deri vonë në mbrëmje ajo kujdeset që I gjithë prodhimi I qumështit të kthehet ne bylmet me cilësi të lartë.
Dikur I gjithë prodhimi ishte në duart e fatit, ku shpesh herë nuk shitej në treg dhe detyroheshin t’a kthenin në shtëpi pas kilometrash rrugë malore për t’a çuar në pikat e shitjes. Por fati u buzëqeshi kur një nga bizneset më të më dha të zonës si “Hylli I dritës” u ofroi t’u blinte çdo produkt me vetëm një kusht: të mbanin standartin e cilësisë.
Me nënë Marien mund të ulesh e të bisedosh deri në perëndim, e pa ndrojë do të të shpjegojë në detaje çdo pyetje prej kureshtari. Madje edhe për veshjen e saj.
Nuk na mbetet gjë tjetër veçse të themi: Shekullofsh nënë Marie!
Romina Braho/abcnews.al
