Marinsi amerikan i cili u largua duke kritikuar eprorët për trajtimin e tyre në Afganistan, ka paraqitur dorëheqjen e tij.
“Unë jap dorëheqjen time nga komisioni në Trupat Detare të SHBA, sipas referencës dhe kërkoj një datë efektive më 11 shtator 2021,” tha nënkolonel Stuart Scheller në letrën e tij të dorëheqjes.
“Arsyet e mia për paraqitjen e kësaj letre dorëheqjeje janë: Mungesë besimi në aftësinë tuaj për të udhëhequr”.
Letra vjen pas një videoje virale ku Scheller, kritikoi ushtarakët e lartë pas sulmit në Kabul që la 13 anëtarë të shërbimit amerikan të vrarë.
“Unë nuk jam duke thënë se ne duhet të qëndrojmë në Afganistan përgjithmonë, por po them, a e hodhi ndonjëri prej jush gradën tuaj në tryezë dhe tha: “Hej, është një ide e keqe të evakuojmë Aeroportin Bagram, një bazë strategjike ajrore”.
Scheller tha të enjten e kaluar në video. “A e bëri dikush këtë? Dhe kur nuk menduat ta bëni këtë, a ngriti dikush dorën dhe tha:” Ne e kemi shkatërruar plotësisht këtë”.
Ai gjithashtu ka thënë se kritikat e tij potencialisht i kushtojnë një pension prej 2 milion dollarësh, por se “nuk ka nevojë për asnjë dollar të vetëm”.
“Unë nuk kam nevojë për asnjë dollar të vetëm. Unë kam nevojë për çdo person që është i gatshëm të kthehet jashtë telave çdo ditë për të veshur një jakë blu dhe thjesht të shkojë në punë çdo ditë dhe të ushqejë familjet e tyre. Këta janë njerëzit për të cilët kam nevojë”, tha Scheller.
“Më ndiqni dhe ne do të rrëzojmë të gjithë sistemin. Unë jam i nderuar dhe ju mund të pyesni çdo marins që ka shërbyer me mua për 17 vjet”. m.v/abcnews.al
