Rikthehet Serie A, kampionati më i dashur i shqiptarëve. Edhe pse nuk ka shkëlqimin e dikurshëm, Inter, Juventus dhe Milan mbeten nga klubet e huaja që shqiptarët mbështesin më së shumti.
Nga sot Seria A mund ta ndjekin në TV, ndërkohë që në fushë do të zbresin kampionët e Interit prej orës 18:30. Ndryshimet në kampin zikaltër janë të shumta, duke nisur nga pankina ku vendin e Conte e ka zënë Simone Inzaghin.
Lukaku e Hakimi nuk janë më pjesë e Interit, por kjo nuk është një alibi që të mos kenë vetëm fitoren objektiv kundër Genoa sot. Në të njëjtën orë zhvillohet edhe një ndeshje tjetër, Verona-Sassuolo.
Në mbrëmje, prej orws 20:45, ka derbi shqiptarësh. Në program janë Empoli-Lazio dhe Torino-Atalanta, ku luajnë Ismajli,Bajrami, Strakosha, Hysaj, Berisha, Vojvoda dhe Berat Gjimshiti. / abcnews.al
