Një 57-vjeçar nga Maryland festoi ditëlindjen duke blerë një biletë llotarie. Mirëpo, duket se ai mori një dhuratë gjigante që nuk ia kishte pritur mendja.
James Pitt, nga Neë Carrollton fitoi 50 mijë dollar dhe u tha zyrtarëve të Maryland Lottery se ai luan të njëjtin grup numrash sa herë që hyn në shortin Bonus Match 5 dhe merr pjesë pothuajse çdo ditë.
“Kur kontrollova rezultatet në aplikacionin tim të llotarisë, nuk mund ta besoja atë që po shihja”, kujton Pitt. Ai tha se e thirri gruan e tij për të konfirmuar atë që po shihte.
“Pastaj ne shkuam në një dyqan për ta skanuar dhe atje na u konfirmua përsëri se ne kishim fituar 50 mijë dollarë”, tha Pitt.
Ai ia atribuoi fitoren disa mendimeve pozitive të frymëzuara nga një bisedë me motrën e tij.
“Unë po flisja me të për argëtimin që kam duke luajtur llotari, por që nuk e prisja kurrë të fitoja”, tha ai. “Duhet të jesh optimist” këmbënguli ajo. Kështu, vendosa ta provoj”./abcnews.al
