Në fundjavë fillon sezoni i ri i Serie A. Ekipet po merren me përgatitjet e fundit, teksa Fabio Capello ka bërë një analizë në lidhje me garën e fortë për titullin kampion, duke e nisur nga Roma dhe Jose Mourinho.
“Mourinho ka personalitetin e duhur për një vend si Roma. Unë shoh Juventusin si kandidat kryesor për titullin, duke marrë parasysh shitjet që ka bërë Interi. Gjithsesi, zikaltrit kanë një kontingjent lojtarësh shumë të mirë.
Milani? Duhet parë çfarë efekti do të japë largimi i Donnarumma, teksa unë pres shpërthimin e Leaos këtë sezon. Napoli ka një bazë të fortë, por nuk duhet të shesë yjet e skuadrës, ndërsa te Lazio duhet të shohim efektin Sarri.
Kemi edhe Atalantën, që më kujton Liverpool me stilin e futbollit që luan“, deklaron ish-trajneri i famshëm në prononcimin e dhënë për Gazetta dello Sport. /abcbnews.al
