Vlora është një ndër qarqet e vendit që duket se vatrat e zjarrit dhe përhapja e tyre ka tërhequr vëmendjen e të gjithëve.
Prefekti i Vlorës në një intervistë të dhënë për ABC ka dhënë detaje në lidhje me situatën e krijuar nga vatrat e zjarrit gjatë ditëve të fundit.
Mamaj në fjalën e tij është shprehur se flakët janë vënë nën kontroll dhe deri më tani asnjë shtëpi nuk është e rrezikuar as në Llogara dhe as në Dukat.
Sipas tij gjatë mesditës 500 forcave që ndodhen në terren dhe po punojnë për shuarjen e flakëve të zjarrit do u bashkohen edhe 2 automjete nga kompani private.
“Një nga vatrat kryesore të zjarrit është ajo e Karaburunit . Po punohet me intensitet për të parandaluar përhapjen e zjarrit në Llogara. Nuk rrezikohet asnjë banesë në Dukat apo në Llogara dhe deri më tani dhe me organizimin që kemi bërë dhe me ndërhyrjen e helikopterëve shpresojmë që të vendosim nën kontroll situatën.
Nuk kemi asnjë mungesë në mjete e nevojshme, kemi rreth 500 forca që po punojnë për të shuar vatrën e zjarrit që është përhapur me shpejtësi nga era. Pritet ndihmë nga vendet fqinje siç e ka thënë e ministri Peleshi, do të kemi bashkim të dy automjeteve nga një kompani private. Flakët i kemi të lokalizuar në të gjithë vijën, por intensiteti i erës dhe në kushtet e temperaturave të pazakonta i bën më të vështirë praninë e zjarrit dhe përhapjen e tij”, ka thënë ai.e.su/abcnews.al
