Stuhia e parë verore për këtë vit pritet të godasë sonte pjesët jugore të Britanisë së Madhe. Ekspertët kanë paralajmëruar se tashmë Mbretëria e Bashkuar do të përballet me efektet e ndryshimeve klimatike.
Ata kanë deklaruar se Britania do të bëhet më e nxehtë dhe me më shumë ditë me diell. Në harkun kohor prej 30 viteve të fundit, Mbretëria e Bashkuar është bërë 0.9C më e ngrohtë dhe 6 për qind më e lagësht.
Stuhia “Evert” do të sjellë erëra të forta dhe reshje të mëdha shiu në pjesët jugore të Britanisë së Madhe gjatë natës së sotme dhe gjatë të premtes. Ekspertët kanë lëshuar një paralajmërim për të marrë masa në lidhje me këtë situatë.
Ndërkohë agjencia e Mjedisit i ka bërë thirrje qeverisë të krijojnë mbrojtje nga përmbytjet. Duke folur në Radio 4’s Today , Sir James Bevan tha se “duke krijuar më shumë mbrojtje – ne mund të jemi më të sigurt dhe mund të kthehemi në normalitet më shpejt”. m.v/abcnews.al
