Loading ...
Pink mbështet betejën e volejbollisteve norvegjeze, duke vendosur të paguajë gjobën prej 1500 eurosh, e cila iu vendos nga Federata, pasi vajzat veshën pantallona të shkurtra, në vend të bikinit gjatë një ndeshjeje.
Ajo u shpreh se ishte shumë krenare për ekipin kombëtar të volejbollit të plazhit për femra të Norvegjisë. Me anë të një mesazhi në profilin e saj Tëitter, këngëtarja shkruan se ato protestuan kundër rregullave për uniformën e tyre dhe në këtë rast duhej të gjobitej federata dhe jo sportistet.
Madje, Pink i nxiti që të vazhdojnë betejën e tyre duke shtuar se do të ishte e lumtur të paguante të gjitha gjobat që do të merrnin. Ekipi i volejbollit të plazhit për femra u gjobit me 150 euro secila, për një total prej 1500 eurosh, pas ndeshjes me Spanjën në kampionatin europian në Bullgari.
Për faktin se nuk kishin veshjen e përshtatshme. Rregullorja e federatës ndërkombëtare të volejbollit parashikon që lojtaret të kenë bikini. Ndërsa meshkujve iu lejohet të veshin pantallona të shkurtra dhe kanatiere. Dhe ish kampionia e tenisit Billy Jin King, mbështeti sportistet duke e quajtur ofenduese gjobën.
Të njëjtin qëndrim mbajti dhe një klub britanik volejbolli, duke i cilësuar rregullat për bikinin, si diskriminuese, aq sa mund të ndalojnë shumë vajza që të merren me këtë sport. Ekipi norvegjez falënderoi në Instagram për mbështetjen e marrë nga e gjithë bota. /abcnews.al
