Nuk është rastësi që uji është një burim i jetës pasi është përbërësi i dytë thelbësor për jetën tonë pas oksigjenit. Përfitimet e hidratimit adekuat janë të shumta dhe të rëndësishme, pasi uji merr pjesë në strukturë por edhe në transportin e lëndëve ushqyese, në rregullimin e temperaturës së trupit por edhe në mbrojtjen e indeve të ndryshme të trupit. Dhe ndërsa pini ujë gjatë ditës, me siguri harroni të pini një got në mëngjes.
Ndihmon në detoksifikimin e trupit
Veshkat janë kryesisht përgjegjëse për metabolizimin dhe filtrimin e shumicës së toksinave në trupin tuaj. Kur pini ujë në mëngjes, rrisni aftësinë e tyre për të hequr toksinat që janë grumbulluar gjatë gjumit, duke parandaluar formimin e gurëve.
Përmirëson gjendjen shpirtërore
Duke pirë 1-2 gota ujë në mëngjes do të jeni në gjendje të rrisni nivelin e energjisë. Edhe një përqindje e vogël e dehidrimit (1-3%) rrit ndjenjën e lodhjes, ndërsa hidratimi duket se shoqërohet me nivele të larta përqendrimi, humori dhe kujtese.
Parandalon dhimbjen e kokës
Studimet kanë treguar se dehidrimi kronik është shkak i zakonshëm i dhimbjeve të kokës dhe migrenës. Uji lehtëson simptomat e dhimbjes së kokës në shumicën e njerëzve të dehidruar brenda 30 minutash deri në 3 orë. Për të shmangur dhimbjet e kokës nga dehidrimi, mos harroni të pini ujë sapo të zgjoheni.
Lehtëson kapsllëkun
Duke kombinuar konsumin e ujit në mëngjes me konsumin e fibrave, ndihmoni në funksionimin e zorrëve tuaja.
Jep një lëkurë me shkëlqim
Një gotë ujë në mëngjes ndihmon për të përmirësuar pamjen e lëkurës tuaj. Kjo sepse lëkura është 30 përqind ujë, kështu që kur trupi është i dehidruar lëkura ka tendencë të bëhet më e ashpër, të humbasë elasticitetin dhe vitalitetin e saj. /abcnews.al
