Holanda jep “po” për negociatat, Xhaçka: Shqipëria ka përmbushur kushtet

Ashtu sikurse raportoi ABC, parlamenti holandez ka votuar pro mbajtjes së konferencës së parë ndërqeveritare me Shqipërinë.

Lajmi është konfirmuar nga ministrja për Europën dhe Punët e Jashtme, Olta Xhaçka.

Lexo edhe: EKSKLUZIVE/ Holanda, Danimarka e Spanja: “Po” për hapjen zyrtare të negociatave të anëtarësimit me Shqipërinë

Në një postim në Twitter, Xhaçka shkruan se Shqipëria tashmë i ka përmbushur kushtet dhe është e gatshme të mbajë Konferencën e Parë Ndërqeveritare.

“Holanda sapo votoi “Po”! Dritë jeshile nga Parlamenti holandez! Shqipëria ka përmbushur kushtet dhe është e gatshme të mbajë Konferencën e Parë Ndërqeveritare. Një lajm shumë i mirëpritur dhe një njohje e merituar e reformave,” shkruan Xhaçka.

Gazetarja Erisa Zykaj ka  raportuar se përveç Holandës edhe dy shtetet të tjera konfirmojnë “po”-në për Shqipërinë. Bëhet fjalë për Danimarkën dhe Spanjën. g.v/abcnews.al