Kuvendi depoziton në Gjykatën Kushtetuese vendimin për shkarkimin e Metës

Kuvendi ka depozituar sot në Gjykatën Kushtetuese vendimin për shkarkimin e Presidentit Ilir Meta.

Tashmë Kushtetuesja ka 3 muaj afat për të vendosur nëse e shqyrton ose jo çështjen. GJK nuk ka asnjë limit për kohën kur duhet të mbylle gjykimin dhe të shprehet me vendim.

Kuvendi shkarkoi me 104 vota kreun e shtetit në seancën plenare të 9 qershorit për shkelje të rëndë të Kushtetutës. Ndërkohë do të jetë Gjykata Kushtetuese ajo që do të vendosë përfundimisht për fatin e Presidentit. g.v/abcnews.al