Policia në Berat ka proceduar penalisht tre persona të cilët organizonin lojëra fati nëpërmjet celularit. Specialistët e Seksionit për Krimin Ekonomik proceduan penalisht J.B., 42 vjeç dhe D.S., 35 vjeç, të dy banues në Kuçovë, pasi në ambientet e lokalit në pronësi të shtetasit J.B në lagjen “Tafil Skëndo”, D.S u konstatua duke ushtruar aktivitetin e paligjshëm të lojërave të fatit online, nëpërmjet celularit.
Po ashtu, penalisht u procedua edhe F.K., 51 vjeç, banues në Kuçovë, pasi gjatë kontrollit në lokalin e tij në lagjen “Llukan Prifti”, rezultoi se ushtronte aktivitetin e lojërave të fatit online, si dhe ushtronte aktivitetin Bar-Kafe të pa regjistruar.
Po nga specialistët e Seksionit për Krimin Ekonomik u procedua penalisht shtetasja N.P., 34 vjeçe, banuese në Berat, pasi gjatë kontrollit në lokalin e saj në lagjen “Meteor”, Kuçovë, u konstatua duke ushtruar aktivitetin Bar-Kafe të papajisur me kasë fiskale si dhe kishte një punonjës të pasiguruar.
Specialistët e Seksionit për Hetimin e Narkotikëve arrestuan F.I., 26 vjeç, banues në lagjen “30 Vjetori”, Berat, si dhe u procedua penalisht shtetasi M.L., 20 vjeç. Gjatë një hetimi ndjekur me metoda speciale, u kap në flagrancë M.L., të cilit gjatë kontrollit fizik iu gjet një sasi lëndë narkotike canabis sattiva.
Në vazhdim të veprimeve hetimore rezultoi se lëndën natkotike e kishte blerë tek F.S.
Kurse, Policia e Qarkullimit Rrugor arrestuan Dh.Ç., 57 vjeç., banues në Kuçovë, pasi u kap duke drejtuar mjetin motor, pa leje drejtimi dhe pa dokumentacionin përkatës.
N.B.,47 vjeç, pasi në rrugën kryesore, në vendin e quajtur “Tek ish karburanti shtetit”, duke drejtuar mjetin tip kamjon është përmbysur. Nga testi i alkoolit rezultoi në gjendje të dehur në masën 0.81 mg/l. s.b/abcnews.al/
