Sekretari amerikan i Shtetit Antony Blinken ka reaguar pasi gjykatësit e Kombeve të Bashkuara vendosën të martën të lënë në fuqi dënimin me burgim të përjetshëm për ish-komandantin ushtarak të serbëve të Bosnjës, Ratko Mlladiç.
Në një postim në Twitter, Blinken shprehet se shpreson që vendimi i sotëm mund t’u sjellë paqe viktimave dhe familjarëve të tyre.
Ai thekson se SHBA do të vijojë të ngrejë zërin për drejtësi dhe përgjegjësi.
May today’s @UNIRMCT conviction of former Commander of the Bosnian Serb Army, Ratko Mladic, for genocide, war crimes, and crimes against humanity, bring some measure of peace to the victims and their loved ones. The U.S. will continue to speak out for justice and accountability.
— Secretary Antony Blinken (@SecBlinken) June 8, 2021
I cilësuar si “kasapi i Bosnjës”, Mlladiç u dënua në nëntor të vitit 2017 nën akuzat që përfshinin vrasjen e mbi 8 mijë djemve e burrave në korrik të vitit 1995 në Srebrenicë, ndër mizoritë më të rënda në Evropë që nga përfundimi i Luftës së Dytë Botërore. Masakra u krye në një zonë që ishte shpallur e mbrojtur nga Kombet e Bashkuara. s.b/abcnews.al/
