Shumë klube europiane po ndërrojnë trajnerët. Mes tyre edhe Wolfsburg, që këtë sezon shkëlqeu në Bundesligë dhe siguroi kualifikimin në Champions League.
Oliver Glasner kreu një punë të madhe në stol, por sezonin e ardhshëm do të drejtojë Eintracht Frankfurt. Në vend të tij do të ulet Mark Van Bommel, raporton Sky Sport Germania.
Ish-mesfushori i njohur holandez, i cili është aktivizuar me skuadra si Bayern Munchen, Milan dhe Barcelona, do të rikthehet në Bundesligë, por tashmë në krye të “Ujqve” si trajner.
Ndërkohë, mediat holandeze raportojnë se 44-vjeçari do të firmosë një kontratë 2-vjeçare me klubin gjerman. /abcnews.al
