Një ndryshim në qëndrimin ndaj të rinjve në lidhje me monarkinë reflektohet në Britani. Ata duan që ajo të hiqet dhe gjithnjë e më shumë njerëz po bëjnë thirrje që kreu i shtetit të zgjidhet sërish, sipas një sondazhi të YouGov.
Sipas sondazhit, 41% e atyre nga mosha 18 deri 24 vjeç thanë që Britania duhet të ketë një udhëheqës të zgjedhur, krahasuar me 31% që duan të kenë një mbret ose mbretëreshë.
Dy vjet më parë 46% kishin thënë se preferonin monarkinë dhe vetëm 26% donin që ajo të shfuqizohej.
Sidoqoftë, sondazhi gjithashtu kishte një lajm të mirë për Mbretëreshën 95-vjeçare Elizabeth dhe familjen mbretërore, me 61% të të anketuarve që mbështesnin monarkinë dhe pak më pak se 25% dëshironin që ajo të shfuqizohej.
Muajt e fundit ishin të vështirë për Windsor, me vdekjen e bashkëshortit të Mbretëreshës Elizabeth, Princit Philip në prill dhe kriza që u krijua në familje kur Princi Harry dhe Megan Markle u intervistuan nga Oprah Winfrey.
Sipas sondazheve të opinionit, britanikët e rinj kanë një pamje më pozitive për Harry dhe Megan sesa njerëzit e moshuar, shumica e të cilëve kanë një mendim negative ndaj çiftit.
Siç thekson AMPE, megjithëse nuk ka mundësi të shfuqizimit të monarkisë për sa kohë që Mbretëresha Elizabeth është në fron, familja mbretërore është e shqetësuar për popullaritetin e saj në rënie midis britanikëve të rinj.
Sondazhi, i kryer në 4,870 të rritur, zbuloi se 53% e atyre nga mosha 25 deri 49 vjeç ishin në favor të monarkisë, me pesë pikë përqindjeje nga një sondazh i vitit 2019, ndërsa mbështetja për një kryetar të zgjedhur të shtetit u rrit me katër pikë.
Midis atyre 65 e lart, 81% mbështesin monarkinë, një përqindje që nuk ka ndryshuar ndjeshëm në dy vitet e fundit./abcnews.al
