Bylisi është kampion i Kategorisë Superiore U21, pasi mposhti ditën e sotme ekipin e Vllazninë me rezultatin 5-0 në Shkodër. Me lojtarë të ekipit të parë në fushë, ballshiotët nuk kanë falur dhe kanë shënuar që në minutën e dytë me Spahiun.
Më pas Qardaku dhe Ujka i çuan shifrat në 3-0 në pjesën e parën, kurse në të dytën realizuan edhe Carkanji dhe Emini. Bylisi shkoi në kuotën e 60 pikëve, tre më shumë se Laçi, që edhe nëse e barazon me pikë në ndeshjen e fundit nuk ndryshon asgjë për shkak të diferencës së golave në ndeshjet direkte mes tyre.
Kurbinasit triumfuan sot me rezultatin 5-7 kundër Football Republic dhe spikatën Prenga e Sulovari, me tre dhe dy gola të shënuar. Sot luajti edhe Tirana, që mposhti me “manita” Turbinën, kurse Kukësi në minutat shtesë likuidoi Dinamon. /abcnews.al
