Një 42-vjeçar që dyshohet të ketë vjedhur me thyerje një lokal në fshatin Çermë të Divjakës është vënë sot në pranga. Specialistët për Hetimin e Krimit në Komisariatin e Policisë Divjakë kanë zbardhur dhe dokumentuar tre vjedhje në zonë.
Nga hetimet e kryera, rezulton se 42-vjeçari me iniciale J. S. është autor i dyshuar i vjedhjes në lokalin e qytetarit me iniciale D. O. dhe banesës së qytetarit G. T., të ndodhur më 14 maj.
Po ashtu, ai rezulton të jetë autor i vjedhjes së një banese tjetër në fshatin Çermë më 10 maj. /abcnews.al/
