Autoritetet në Indonezi kanë gjetur mbetjet e nëndetëses që rezultonte e zhdukur që nga e mërkura. Mbetjet e mjetit lundrues u gjetën në fund të detit ndërsa të 53 anëtarët e ekuipazhit të saj janë shpallur të vdekur.
Lajmin e bëri të ditur ditën e sotme Komandanti Ushtarak i Indonezisë Shefi i Ajrit, Marshalli Hadi Tjahjanto. Një ditë më parë, pjesë të nëndetëses KRI Nanggala-402 u gjetën duke pluskuar rreth dy milje nga vendi ku mjeti lundrues dha sinjal për herë të fundit, ngushtica e Balit.
Kjo bëri që zyrtarët ushtarakë për të ndryshuar statusin e anijes nga e zhdukur në e fundosur. Anija luftarake Rigel e Indonezisë skanoi zonën me sonar, i cili përdor valët e zërit për të gjetur objektet dhe një magnetometër, tha Tjahjanto në një konferencë shtypi.
Anija MV Swift Rescue nga Singapori më pas dërgoi një mjet lundrues të pilotuar në distancë për të pasur pamje të qarta nën ujë.
“Ne gjetëm dhe konfirmuam një imazh të pjesëve të nëndetëseve Nanggala, dhe pjesë të tjera si kostume sigurie për ekuipazhin,” tha ai.
“Bazuar në atë provë autentike unë deklaroj këtu se nëndetësja Nanggala u fundos dhe të gjithë ekuipazhi vdiq.” sb/abcnews.al/
