Barcelona në këtë sezon ka bërë shumë eksperimente dhe ka kaluar shumë dallgë, por fundi duket se është i lumtur dhe deti është qetësuar me fitimin e Kupës së Spanjës. Së fundmi për klubin ka folur Gerard Pique, që ka fjalë të mëdha për trajnerin Koeman dhe presidentin Laporta.
“Nga çdo krizë lindin mundësi. Koeman ishte i guximshëm në aktivizimin e kaq shumë të rinjve, që treguan veten e tyre në një moment shumë të vështirë. Ai kishte një vizion afatgjatë me Pedri, De Jong, Ansu Fati apo Araujo.
Laporta? Një tjetër guximtar. Solli menjëherë optimizmin dhe lumturinë te Barcelona. Ishte me të vërtetë i nevojshëm. Edhe ai po bën mirë gjithashtu, megjithëse ka shumë gjëra për të ndryshuar”, u shpreh Pique. /abcnews.al
