Basha i mori drejtuesin në Durrës, Rama emëron me urgjencë zëvendësuesen

Pak ditë pasi Serian Mazreku u largua nga Partia Socialiste për t’iu bashkuar demokratëve, është emëruar zëvendësuesja e tij në njësinë administrative të Kënetës në Durrës.

Mësohet se administratore e njësisë administrative Kënetë është emëruar Pranvera Gagani.

Mazreku bashkë me Ardit Kërtushën u larguan nga PS duke u bashkuar me demokratët. Ai u bëri thirrje të afërmve të tij të mbështesin PD-në dhe të mos pranojnë lëmosha, duke nënkuptuar shitjen e votës./mv.abcmews.al