Arkeologët kanë zbuluar një qytet të madh antik në Egjipt, 3 mijë vjeçar, sipas të cilëve është një nga gjetjet më të rëndësishme që nga zbulimi i varrit të Tutankhamun. Ekspertët thanë se “qyteti i artë i humbur” u zbulua nën rërë në Luxor, shtëpia e Luginës së Mbretërve të famshëm të Luginës së Nilit.
Qyteti, i njohur si Aten daton në mbretërimin e Amenhotep III, i cili filloi rreth 1.390 pes, dhe u përdor më vonë nga pasardhësit përfshirë Tutankhamun. “Ky qytet i humbur është zbulimi i dytë më i rëndësishëm arkeologjik që nga varri i Tutankhamun,” tha Betsy Bryan, profesor i artit dhe arkeologjisë egjiptiane në Universitetin Johns Hopkins.
Qyteti ofron një “vështrim të rrallë në jetën e egjiptianëve të lashtë”. Ekipi filloi punën për gërmimet në shtator 2020 duke zbuluar këtë qytet të madh, të ruajtur mirë, me mure të paprekura, një furrë buke, varre dhe dhoma të mbushura me mjete si dhe bizhuteri të ndryshme. /abcnews.al
