Kemi parë, por shumë rrallë, që një portier të tundë rrjetën me goditje dënimi. Në Kolumbi, atdheu i të famshit Rene Higuita, luan një portier, që është ekspert për goditje dënimi.
Sebastian Viera ka shënuar mëngjesin e sotëm një gol shumë të bukur me goditje dënimi në ndeshjen e skuadrës së tij, Atletico Junior, ndaj Jaguares de Cordoba në javën e 16-të të kampionatit kolumbian.
Në minutën e 17-të, 38-vjeçari mori përsipër atë goditje dënimi dhe mundi të dërgojë sferën drejt e në trekëndësh, pa i dhënë asnjë shans kolegut në krahun tjetër.
https://streamable.com/ch68dj
Në këtë sezon ai ka mundur të shënojë 2 gola dhe të dhurojë një asist, duke konfirmuar veten si goleador. Viera ka mundur të shënojë 10 gola në karrierë. Më parë ka luajtur edhe për Villareal në Spanjë dhe ka përfaqësuar edhe kombëtaren e tij, Uruguain. /abcnews.al
