Klosi: Kemi nevojë urgjente për punëtorë të kualifikuar në turizëm

Berati ka nevojë urgjente për punëtorë të kualifikuar me qëllim që ti përgjigjen numrit të shtuar të turistëve. Apeli vjen nga ministri i Turizmit dhe Mjedisit Blendi Klsoi, i cili në nisje të vitit të ri shkollor vizitoi shkollën profesionale të këtij qyteti. Sipas ministrit Klosi numri i turistëve në Kalanë e Beratit këtë vit është dyfishuar prandaj ka dale në pah edhe nevoja për më tepër personel të kualifikuar.

Ministri Klosi i bëri thirrje biznesit të kthejë sytë nga nxënësit e shkollave profesionale për të pasur një staf të qëndrueshëm. Njëkohësisht ministri i Turizmit dhe Mjedisit kërkoi shtimin e kapaciteteve akomoduese dhe rritjen e cilësisë së shërbimit./abcnews.al