Ndonjëherë, kuptimi i gjithçkaje përreth humbet dhe ne ngecim në jetë. Disa njerëz priren të fajësojnë të tjerët, disa mbyllen në vetvete, ndërsa disa i kapërcejnë pengesat duke vahzduar përpara. Më poshtë ne do ju tregojmë se cilat janë arsyet që ju pengojnë të keni sukses
1. Ëndrrat iluzionare
Të gjithëve na pëlqen të ëndërrojmë. Sidoqoftë, disa prej nesh kanë tendencë të tejkalojnë ëndrrat dhe kështu të qëndrojnë në iluzione, duke mos qenë të gatshëm të kthehen në realitet. Kjo ju bën një person që jetonin në një botë imagjinare, duke pritur që të ndodhin mrekulli, pa bërë asnjë përpjekje për të rritur qëllimet.
2. Pamundësia e përqendrimit në një qëllim specifik
Shumë prej nesh priren të jetojnë sipas parimit “edhe disa minuta në Instagram dhe unë do të kthehem të punoj”. Jeta jonë është e rrethuar me pajisje që na japin lajme nga e gjithë bota dhe është e vështirë t’i injorosh. Për shkak të këtyre teknologjive, ne nuk mund të përqendrohemi dhe si rezultat e kemi të vështirë të jemi produktivë dhe të arrijmë suksesin, informon abcnews.al.
3. Pamundësia për të përfunduar diçka të nisur
A keni filluar ndonjëherë të bëni disa detyra në të njëjtën kohë dhe të mos përfundoni asnjë prej tyre? Ne jemi të sigurt se kjo ka ndodhur me shumicën prej nesh të paktën një herë në jetë. Ka të bëjë me sportet, dietat e së hënës dhe projektet që keni filluar me shumë entuziazëm dhe i keni lënë pas një jave ose një muaji. Ka vetëm një arsye për këtë situatë, mungesa e këmbënguljes dhe mungesa e rezultateve të dëshiruara. Në Japoni, ekziston një fjalë e veçantë që përshkruan këtë sindromë – ‘Murgu 3-ditor’. Numri 3 këtu simbolizon sasinë mesatare të ditëve që zgjat shpërthimi juaj intensiv. Për të mos qenë një ‘murg’ i tillë, zhytuni në punë gradualisht dhe shmangni ekstremet.
4. Pamundësia për të marrë përgjegjësi për veprimet tuaja
Jo çdo ngjarje që ndodh në jetë është faji ynë, por të gjitha janë përgjegjësia jonë. Fajësimi i njerëzve të tjerë nuk do ta ndryshojë situatën, por duke marrë përgjegjësi të plotë për një situatë, ju mund të ndërtoni një të ardhme më të mirë. Aftësia për të pranuar gabimet tuaja dhe për t’i korrigjuar ato, është faza e parë dhe më vitale në rrugën tuaj drejt suksesit. Thjesht merrni përgjegjësi dhe bëjini idetë dhe ëndrrat tuaja të vërteta, informon abcnews.al.
5. Mungesa e mbështetjes nga të dashurit
Një nga sekretet kryesore të suksesit të një personi është mbështetja e të dashurve të tyre. Por ndonjëherë në vend të mbështetjes, ne përballemi me negativitet dhe keqkuptim prej tyre gjë që e bën të vështirë të vazhdosh normalisht në rrugën që keni zgjedhur. Në këtë situatë, është e rëndësishme që të mos filloni të hidhëroheni ose të krijoni konflikte. Opsioni më i mirë është t’u tregoni të dashurve tuaj sesa i doni, ndërsa në të njëjtën kohë të shpjegoni sesa të rëndësishme janë gjërat që bëni për ju, çfarë rezultati doni të merrni dhe sa jetike është mbështetja e tyre.
6. Jeni shumë vetë-analizues
Vetë-analizimi çon që ju të futeni gjithnjë e më thellë në problemin tuaj. Si rezultat, fillon të rrënjoset në mendjen tuaj, duke ju bërë të ndiheni të trishtuar që përfundimisht mund të çojë në depresion. Kjo patjetër që nuk do t’ju afrojë me suksesin, por anasjelltas, do t’ju largojë prej tij. Thuaji ‘po’ vetëdijes së vetë-analizimit dhe vetë-reflektimit të shëndetshëm. Kjo do t’ju ndihmojnë të dilni nga apatia dhe të vlerësoni mundësitë reale, informon abcnews.al.
7. Jeni në kërkim të fajtorëve
Ekzistojnë 2 lloje njerëzish në botë; ata që vazhdojnë të fajësojnë të gjithë për dështimet e tyre dhe ata që marrin përgjegjësinë për humbjen e tyre. Ata që duan të fajësojnë mund të drejtojnë gishtin drejt qeverisë, vendit në të cilin jetojnë ose prindërve të tyre që nuk u dhanë aq sa duhet për t’u bërë të suksesshëm. Ndërsa lloji i dytë i njerëzve, ata që arritën të bëhen të suksesshëm, e dinë se suksesi varet vetëm nga përpjekjet, këmbëngulja dhe qëllimet e tyre dhe se nuk ka kuptim të fajësosh të tjerët. Çuditërisht dështimet mund t’i stimulojnë ata të bëhen edhe më të suksesshëm. Mos harroni se nuk ka asnjë fajtor për dështimet tuaja përveç jush, dhe askush përveç jush nuk mund ta bëjë të ardhmen tuaj të lumtur dhe të suksesshme.
8. Qëllime joreale
Ëndrrat tuaja mund të shndërrohen në qëllime, të cilat duhet t’i keni në mënyrë korrekte. Ju duhet të keni një kuptim të qartë të ëndrrave që keni për t’i arritur ato. Metoda SMART mund t’ju ndihmojë shumë kur vendosni dhe analizoni qëllimet. Edhe nëse qëllimi që vendosni rezulton joreal, ekziston një rrugëdalje; përpiquni ta formuloni atë ndryshe ose ta ndani në nën qëllime, informon abcnews.al.
9. Dështimet e mëparshme
Secili prej nesh ka dështuar të paktën njëherë. Ndonjëherë mund të jeni duke provuar më të mirën tuaj, por pa rezultat. Në këtë rast, ne kemi 2 mundësi: të depresionohemi dhe të vazhdojmë të ndiejmë keqardhje për veten tonë ose të analizojmë situatën, të kuptojmë gjërat që kemi bërë keq dhe ta provojmë sërish./e.b-abcnews.al
