Bayern Munchen fitoi ditën e djeshme 1-3 përballë Werder Bremen në transfertë. Suksesi i tretë radhazi në kampionat për bavarezët, teksa Hansi Flick u shfaq i mrekulluar me ndeshjen e Lucas Hernandez, 25-vjeçarit francez që luan në qendër të mbrojtjes dhe krahun e majtë të saj.
“Lucas është një profesionist i madh, ka një mentalitet të pabesueshëm. Ne jemi Bayern Munchen dhe kemi lojtarë të nivelit të lartë në pozicione të ndryshme. Lucas nuk e humbet kurrë përqendrimin, ka personalitet dhe fizik të shkëlqyer.
Ai luajti një ndeshje të mahnitshme përballë Werder Bremen, ka rëndësi të madhe për mua të kem në skuadër një futbollist si ai“, deklaroi trajneri i kampionëve të Gjermanisë, të cilët shpenzuan 80 milion euro për Hernandez verën e vitit 2019. /abcnews.al
