Një lajm i bukur vjen nga zëri ikonik i Radio Tiranës, Zamira Koleci. E ftuar në “ABC e Mëngjesit”, ajo zbuloi se do të rikthehet për herë të parë në televizion dhe pikërisht i është bashkuar emisionit “Log.” me redaktor Olsi Sejaminin. Duke qenë se ndodhemi në prag zgjedhjesh, ky emision do të trasmetohet në ABC tre herë në javë të hënën, të martën dhe të enjte, ora 21.00.
Ndërkohë, Zamira tregoi se fillimisht kur ia propozuan hezitoi pasi nuk e ndiqte politikën, por që e ka konsideruar si një sfidë.
“Unë them kryesorja është të dalësh mirë. Fjala vjen kur isha në Radio Tirana, u bë drejtor Lufti Dervishi dhe unë thosha kanë ndryshuar lajmet. Dikush merrte në telefon dhe thoshte po që kanë ndryshuar lajmet. Prandaj nuk i vë rëndësi të jesh i pari. Me rëndësi është të zgjedhësh temat e duhura dhe të veçanta”.
Më tej, ajo theksoi se parim kryesor në një emision është qetësia dhe të dëgjuarit njëri-tjetrin, prandaj do mundohet ta ndjekë edhe në ABC.
“Mendoj që në studion e Endri Xhafos njerëzit duhet të dinë të dëgjojnë njëri-tjetrit, unë si Zamir nuk do ndikoj, pastaj respekt do të kemi edhe për atë që do të bërtas.
Unë mendoj se do jem një qengj i urtë, e dashuroja dikur politikën, po tani më fal që e them po nuk ma ndjen. Gjëja e mirë është se është një emision i ngritur. Kur më thanë fillimisht hezitova se nuk e ndjek politikën, por tani kam filluar të zgjohem që në orën 7 dhe të shoh lajmet, që të jem më e informuar”.l.k/abcnews.al
