Franco Acosta cilësohej si një ndër talentet më të mëdhenj të futbollit uruguaian. Sulmuesi latin u aktivizua me kombëtaren U17 (12 gola) dhe U20 (6 gola) të vendit të tij.
Lojtari provoi edhe një aventurë në Spanjë te ekipi B i Villareal, teksa prej gushtit të kaluar ishte pjesë e Atenas në kampionatin e Uruguait.
Acosta festoi 25-vjetorin e lindjes dy ditë më parë. Mbrëmjen e kaluar ndodhej nën shoqërinë e familjarëve për të festuar përvjetorin, që u kthye në tragjedi.
Ngjarja ndodhi afër Montevideos, qytetit të tij të lindjes. I riu tentoi të kalonte me not një përrua, por rrjedha e mori dhe humbi jetën. Trupi i tij është gjetur ditën e sotme. /abcnews.al
