Kryetarja e LSI-së, Monika Kryemadhi ka reaguar me kritika ndaj kryeministrit, Edi Rama.
Nëpërmjet një statusi në rrjetet sociale, Kryemadhi thotë se një vendim i qeverisë me kosto 400 milionë për taksat e qytetarëve shqiptarë, është miratuar duke pasur sipas saj ministrat e kabinetit të Ramës kundër.
Gjithashtu Kryemadhi shkruan: “Sa për E(rionin) dhe L(efterin), kokën hëngshi se i more vetë në qafë… Prit se s’ke parë akoma serinë e radhës…”
Më herët kryeministri Edi Rama ka shpërndarë një video një rrjetin social “Instagram”, ku shkruan: “Ke një rrugë… është një me E që të bën magji… Qenka edhe një L që flet pas kurrizit tënd me këtë me E… Po ky me I ky kush është ky motra(?) ke një me I që vika vërdallë natën në lagje… Ja prit prit… Mos u mërzit…”
Në këtë video janë bashkuar momente ku kryetarja e LSI-së ka qenë e ftuar në emisionin “Opinion”, por ndërkohë, shihet se në një letër është vendosur një filxhan kafe, kuptimi i së cilës është edhe shkrimi i bashkangjitur nga kryeministri Edi Rama.
View this post on Instagram
Koment i cili ka sjellë edhe reagimin nga Monika Kryemadhi, teksa thotë: “Ato letra në tokë do të hedhin përtokë.”
Reagim i plotë kryetares së LSI-së , Monika Kryemadhi:
Duro Edi, duro…. se ato letrat në tokë do të hedhin përtokë.
Ke miratuar një vendim qeverie me kosto 400 milionë euro për taksat e shqiptarëve, duke pasur edhe ministrat tuaj kundër.
Sa për E(rionin) dhe L(efterin), kokën hëngshi se i more vetë në qafë…
Prit se s’ke parë akoma serinë e radhës…
/abcnews.al/
