Epidemiologu serb Branislav Tiodoroviç vlerëson se prania e llojit britanik tek serbët është rreth 30 për qind e numrit të përgjithshëm të të sapo infektuarve në Serbi.
Mediat vendase bëjnë me dije se ai është shprehur se pjesa mjekësore e Shtabit të Krizave propozoi masa që beson se do të ndalonin përhapjen e infeksionit më shpejt.
“Ne nuk jemi duke avokuar futjen e orës policore, ne kemi propozuar masa dhe ato janë të një intensiteti dhe rëndësie të tillë që thonë se është e nevojshme të futet një gjendje e jashtëzakonshme. Sidoqoftë, ju e dini shumë mirë që një gjendje e jashtëzakonshme mund të të deklarohet nga Parlamenti, e cila mund të marrë kohë”, tha Tiodoroviç.
Gjëja më e rëndësishme, thekson ai, është zbatimi i masave që do të mundësojnë kontroll të plotë të situatës epidemiologjike dhe parandalimin e kontakteve midis njerëzve në mënyrë që të ndalohet përhapja e virusit.
Ndryshe, Serbia deri më tani ka regjistruar 463 mijë raste me koronavirus ndërsa kanë ndërruar jetë 4459 persona. /abcnews.al
