Romelu Lukaku po shënon pafund dhe po ndihmon Interin të fitojë ndeshje e të kryesojë Serie A, por lojtari i momentit te skuadra e Antonio Contes është Nicolo Barella.
24-vjeçari sard ndodhet në formë të shkëlqyer, bën mirë të dy fazat e lojës dhe është kthyer në liderin e mesfushës së ekipit që kryeson kampionatin italian.
Fabio Capello, ish-trajneri i famshëm italian i disa skuadrave e kombëtareve, thur elozhe të mëdha për Nicolo Barellën në prononcimin e dhënë për Sky Sport.
“Barella është një nga tre mesfushorët më të mirë në botë. E kam një shpjegim: Barella vrapon, ndërmerr inkursione, kroson saktë dhe bukur dhe dhuron asist perfekt kur është e nevojshme.
Nicolo ka më shumë cilësi se Hakimi, mos të harrojmë që rikuperon më shumë topa sesa marokeni“, deklaron Capello. 3 gola dhe 10 asiste numëron Barella këtë sezon me Interin. /abcnews.al
