Në Argjentinë, një histori e pazakontë dashurie ka pasur një fund të lumtur pasi dy këlyshë të rrallë jaguar kanë lindur nga një baba i egër jaguar dhe një nënë që ka jetuar tërë jetën e saj në robëri.
Provinca veriore e Chaco dhe grupi i ruajtjes Rewilding Argentina tha të mërkurën se këlyshët kanë lindur nga Tania dhe Qaramta, emri i të cilave do të thotë ‘Ai që nuk mund të shkatërrohet’.
“Këtu kishim kalimin e një mashkulli të egër, i cili nuk ishte mbyllur asnjëherë, me një femër të zënë rob që nuk jetoi kurrë e lirë,” tha Sebastián Di Martino, drejtori i ruajtjes në Reëilding Argentina, në një intervistë, duke shtuar se ata nuk kishin gjetur një rast të ngjashëm askund tjetër në botë.
Gjatë nëntë muajve Qaramta dhe Tania, të cilët vinin nga një kopsht zoologjik lokal, u njohën përmes gardhit të rrethimit të saj, para se Qaramta të lejohej të hynte brenda për një takim ballë për ballë në fund të vitit të kaluar.
Studiuesit në atë kohë nuk ishin në gjendje të konfirmonin që të dy jaguarët ishin çiftuar, por kishin thënë se dukej se kishin “një kohë të mirë së bashku”. Duket se tani ka qenë një sukses i plotë.l.k/abcnews.al
