Kryetari i PD-së, Lulzim Basha mbrëmjen e sotme zhvilloi një takim me drejtuesit politikë të qarqeve që ka emëruar për të drejtuar fushatën për zgjedhjet e 25 prillit. Gazetari i ABC, Juxhin Mustafaraj mëson detaje nga mbledhja dhe porositë që kryedemokrati u ka dhënë drejtuesve politikë nga veriu në jug.
“Ekipi politik tani është i plotë. Të gjithë të jenë në terren. Programi që po shpalosim t’u thjeshtëzohet qytetarëve. Të flasim me qytetarët në zona, të evidentohet ekipi ynë. Shqiptarët ta kuptojnë se ne kemi një alternative, ne jemi ndryshe” ishin disa nga porositë e Bashës.
Pjesë e takimit ishte edhe sekretariati. Mbledhja zgjati për rreth 45 minuta ndërsa ishte hera e parë që lideri i PD-së mbledh drejtuesit e qarqeve pas zyrtarizmit.
Drejtuesit e PD në qarqe
Kukës-Flamur Hoxha
Shkodër- Helidon Bushati
Lezhë- Mark Marku
Tiranë (Lexo këtu 8 drejtuesit e caktuar nga PD)
Durrës-Edi Paloka
Dibër-Xhelal Mziu
Elbasan-Gazment Bardhi
Korçë-Edmond Spaho
Fier-Enkelejd Alibeaj
Vlorë-Bujar Leskaj
Gjirokastër-Tritan Shehu
Berat -Tomorr Alizoti
/ db/Abcnews.al
