Pamela Anderson zbuloi të mërkurën se ishte martuar me truprojën e saj, Dan Hayhurts. Ceremonia private u zhvillua në prag të Krishtlindjeve në Vancouver. Ndërsa po shijon ditët e para të martesës, 53-vjeçarja është akuzuar nga ish partnerja e burrit 40-vjeçar se ka ndërhyrë mes tyre.
Gruaja e quajtur Casey, e cila pretendon se është ish-i i 40-vjeçarit është shprehur se Anderson ka joshur Hayhurst ndërsa ishte në lidhje me të. Gruaja në fjalë, e cila kishte jetuar me të dhe me fëmijët për pesë vitet e fundit, ka treguar se nuk dinte asgjë për martesën e tyre derisa e lexoi në internet.
42-vjeçarja thotë se nisën të afroheshin në fillim të vitit të kaluar, në një kohë kur ajo dhe Hayhurts ishin ende së bashku. “Kjo nuk është historia e dashurisë që po portretizohet, e gjitha është një fasadë. Vendosa të flas sepse dua që njerëzit të dinë që lidhja ime gati pesë vjeçare, me tre fëmijë të përfshirë, përfundoi për shkak të lidhjes së Pam dhe Dan që filloi ndërsa ai ishte akoma me mua.” /abcnews.al
