Serbia është vendi i parë në Evropë dhe e katërta në botë përsa i përket shpejtësisë së vaksinimit të qytetarëve për Covid 19.
Sipas një studimi të publikuar këtë të premte në UBS mbi fushatën e vaksinimit në 53 vende të botës, Serbi renditet e katërta.
Ndërkohë sipas tabelës së të dhënave vihet re se, vendi evropian që po lëviz më shpejt se të gjithë të tjerët për të vaksinuar popullatën e tij nuk është askush tjetër përveç Serbisë.
Serbia renditet e para mes vendeve evropiane dhe e katërta në botë dhe është ndër të paktat vende që, sipas vlerësimeve të UBS, procesi po vijon aq shpejt sa pritet që të vaksinojnë një të tretën e popullsisë. në 2021.
Procesi i vaksinimit në Serbi po lëviz më shpejt se Mbretëria e Bashkuar, e cila është përpara të gjitha vendeve evropiane, bazuar në kriterin e përqindjes së popullsisë së saj që është vaksinuar.
Deri më tani Serbia ka porositur 6.5 milion doza vaksinash përmes iniciativës COVAX të Organizatës Botërore të Shëndetësisë, por deri më tani ka marrë disa vaksina Pfizer. Në vend të kësaj, ajo mori 1 milion doza të vaksinës kineze këtë muaj dhe po pret 40,000 doza të ilaçit rus Sputnik V së shpejti.
Gjithashtu mes dy qeverive rusë dhe serbe po diskutohet mundësia e prodhimit lokal të vaksinës ruse.
Ndërkohë në vendin tonë në janar kanë mbërritur vetëm 975 doza, ndërsa vijon të jemi në pritje të përgjigjes nga Pfizer për sjelljen e dozave të premtuara nga marrëveshja e nënshkruar me qeverinë./abcnews.al
