Arkitektët kanë kërkuar leje për ndërtimin e dy qiellgërvishtësve në formë peme në Vancouver, me një lartësi prej 117 metra. Kompania projektuese, Heatherwick Studio thotë se pema është përdorur si një frymëzim për të “zhvilluar idenë e lakimit të butë të strukturave vertikale që lidhin publikun në katin e parë me majën e kullave”.
Sipas dokumenteve të planifikimit, qiellgërvishtëset do të ndërtohen në rrugën “Alberni” në lagjen ëest End. Kulla më e lartë, ajo perëndimore, do të ketë 34 kate ndërsa kulla lindore do të jetë 30 kate e lartë dhe 105 metra e gjatë. Një shesh publik presë katësh do t’i lidhë dhe brenda do të jenë 400 apartamente banimi, shkruan abcnews.al.
Sheshi përshkruhet si një “komoditet i ri i gjallë për qytetin me një sërë lehtësirash për të inkurajuar bashkimin dhe për t’i shërbyer qytetit”. “Koncepti synon të sjellë një nivel të ri të përsosshmërisë globale të dizajnit në Vancouver, duke shfaqur dy kulla të lakuara, të mbushura me dritë dhe një shesh të nivelit të tokës për angazhimin e komunitetit.”, thotë kompania. /abcnews.al
